Biravugwa ko Jacky, umwe mu bakobwa bamaze iminsi barikoroza ku mbuga nkoranyambaga yaba amaze gutabwa muri yombi nyuma yo kwihanagirizwa na RIB.
Amakuru atugeraho aravuga ko umukobwa uzwi cyane ku mbuga nkoranyambaga witwa Jacky yaba yaraye atawe muri yombi kuri uyu wa gatatu taliki ya 4/12/2024, ni nyuma y’aho urwego rw’ubugenzacyaha RIB rumuhaye gasopo kubera ibyo anyuza ku mbuga nkorambaga.
Mu ijwi ry’umuvugizi wa RIB Murangira Thierry, yavuze ko bidakwiye ko abantu bakwirakwiza video zigaragaramo uburere buke kuko bibangamira umuryango nyarwanda umuco udasigaye.
Muri iki kiganiro umuvugiziwa RIB yahaye gasopo umukobwa uzwi ku izina rya Jacky Sharon na Dumba, ndetse na bamwe mu banyamakuru baha umwanya abantu nkabo.
Amakuru rero atugeraho, avuga ko uwo mwana w’umukobwa atigeze aha agaciro umuburo na gasopo yahawe kuko ku mugoroba wo kuri uyu wa gatatu yongeye akoranya abanyamakuru muri kamwe mu tubare dukorera hano mu mujyi wa Kigali kugira ngo abahe ikiganiro, bikavugwa ko aribwo abakozi b’urwego rw’ubugenzacyaha rwahise rumuta muri yombi.
Comments are closed.