Kenya: kuva ejo kugera ku cyumweru bazasengera Covid-19 ngo irangire

4,936

Ku italiki ya 09 niya 10 Ukwakira mu gihugu cya Kenya hateganyijwe amasengesho yo gusengera Covid-19 kugira ngo irangire burundu mu gihugu.

Mu ntangiriro z’iki cyumweru perezida Uhuru Kenyattta wa Kenya yatangaje ko agiye gusaba abaturage bose gusenga cyane kugira ngo iki cyorezo gishire mu gihugu.

Amasengesho yo ku cyumweru yo biteganyijwe ko azabera ku biro by’umukuru w’igihugu i Nairobi guhera saa kumi za mugitondo.

Perezida wa Tanzaniya John Pombe Magufuri yagize icyo avuga ku masengesho y’Abanyakenya, asaba abaturage be kwifatanya na Kenya muri ayo masengesho.

ubwo yiyamamazaga mu kuyobora indi manda, uyu munsi Perezida John Pombe Magufuli yasabye abaturage be gusengera Abanyakenya kugirango Coronavirusi irangire iwabo.

Magufuri yavuze ko bikwiye ko babafasha gusenga:”Kugira ngo Corona ive iwabo nk’uko Imana yayivanye hano muri Tanzaniya”.

Perezida Magufuri yasabye abaturage be gusengera Abanyakenya kugira ngo Covid-19 irangire iwabo

Ayo masengesho kandi azanyura kuri radio na televiziyo no ku mbuga nkoranyambaga ari kuba.

Muri Tanzaniya abategetsi bakunze kwemeza ko Covid-19 yashize muri iki gihugu, mu gihe mu kwezi kwa gatanu iki gihugu cyahagaritse gutangaza uko gihagaze kuri iki cyorezo.

Email yanyu ntaho izigera igiragazwa