Real Madrid itsinze Barcelona ibitego 3-1, Koeman atakaza El Clásico ya mbere nk’umutoza

3,266
indo Banner01

Mu mukino wa El Clásico ikipe ya Fc Barcelone yari yakiriyemo Real Madrid kuri uyu wa gatandatu taliki 24 Ukwakira, warangiye Real Madrid itahanye insinzi y’ibitego 3-1 cya Fc Barcelone, bituma Umutoza Ronald Koeman atakaza El Clásico nk’umutoza.

Ku munota wa 5′ gusa Ferederico Varverde yari atsinze igitego cya mbere cya Real Madrid, Ansu Fati atsinda igitego cyo kwishyura ku munota wa 8′. Sergio Ramos yatsinze igitego cya 2 cya Real Madrid kuri penaliti ku munota wa 63′, ku munota wa 90′ Luca Muodric atsinda igitego cya gatatu cya Real Madrid.

Insinzi ya Real Madrid iyishyize ku mwanya wa mbere ku rutonde rwa Shampiyona n’amanota 13, mu gihe Fc Barcelone iri ku mwanya wa 10 n’amanota 7.

Nyuma yuko afashe ikipe ya Barcelone, Ronald Koeman , niyo El Clásico ya mbere yari atoje gusa ntagize amahirwe yo kuyitwaramo neza.

Umukino wo kwishyura uzaba ku italiki 11 Mata 2021, Real Madrid niyo izaba yakiriye umukino ku kibuga Santiago Bernabeu.

Gutanga ibitekerezo byahagariswe.