Volleyball: Gisagara Volleyball Club yegukanye irushanwa ryateguwe na Forzza

By Ubwanditsi Last updated Jan 24, 2022

Mu mpera z’ iki cyumweru taliki 22 na 23 Mutarama 2022 habaye imikino y’icyiciro cya 3 cy’irushanwa ryateguwe na Kompanyi ikora ibijyanye no gutega ku mikino itandukanye “Forzza Bet”.

Ikipe ya Gisagara VC nyuma yo kwitwara neza ikegukana ibyicio 3, yahise yegukana igikombe mu gihe hasigaye ibindi byiciro bibiri harimo ikizakinirwa i Gisagara hanyuma irushanwa rigasozwa hakinwa icyiciro cya 5, imikino zabera i Kigali.

Iyi kipe ya Gisagara VC yitwaye neza itsinda REG VC ku mukino wa nyuma amaseti 3-0 (25-20,25-17 na 25-14).Iyi kipe yari yasezereye muri ½ ikipe ya APR VC iyitsinze amaseti 3-1 naho REG VC yari yasezereye UVC ku maseti 3-1. Mu guhatanira umwanya wa 3, APR VC yatsinze UVC amaseti 3-1.

Gisagara VC yagukanye imikino y’icyiciro cya gatatu n’amanota 8 ikurikirwa na REG VC (7), APR VC (6), UVC ( 5), IPRC Ngoma ( 4), Kirehe VC (3), IPRC Musanze (2) na KVC (1).

Muri rusange nyuma y’ibyiciro byose (3), Gisagara VC irayoboye n’amanota 24, ikurikiwe na UVC (17), REG VC (14), Kirehe VC (13), IPRC Ngoma (12), APR VC (12), IPRC Musanze (7) na KVC (3).

Mu bagore, ikipe ya APR VC yitwaye neza yegukana icyiciro cya gatatu aho yatsinze ku mukino wa nyuma ikipe amaseti 3-2 . APR VC yari yasezereye RRA VC ku maseti 3-2 naho UVC itsinda Ruhango VC amaseti 3-0. Ikipe ya RRA VC yegukanye umwanya wa 3 itsinze Ruhango VC amaseti 3-0.

Nyuma y’iri rushanwa, APR VC yegukanye umwanya wa mbere n’amanota 8 ikurikiwe na na UVC (7), RRA VC (6), Ruhango VC (5), IPRC Kigali (4), GS S^t Aloys (3), IPRC Huye (0) na KVC (0).

Muri rusange nyuma y’ibyiciro byose (3), APR VC irayoboye n’amanota 23, ikurikiwe na UVC (21), RRA (19), IPRC Kigali (13), Ruhango VC (12), IPRC Huye (5), KVC (5) na GS S^t Aloys (3).

Muri iki cyiciro cy’abagore, APR VC imaze kwegukana ibyiciro bibiri naho UVC yegukana icyiciro (1). Ikipe ya APR VC niramuka yegukanye icyiciro cya kane izahita yeguka igikombe.

Biteganyijwe ko iyi ikino “Forzza VBT 2021” izakomeza taliki 29 na 30 Mutarama 2022 hakinwa imikino y’icyiciro cya kane izabera i Gisagara naho taliki 05 na 06 Gashyatare 2022 isozwe hakinwa icyiciro cya 5.