Papa Leon XIV agiye kubagwa akabyimba mu bihaha

Vatikani yatangaje ko Papa Leo XIV azabagwa kuri uyu wa Kabiri, tariki ya 13 Ukwakira 2026, mu bitaro bya Gemelli i Roma mu Butaliyani, kugira ngo akurweho akabyimba gato kari mu bihaha. Abakristu bo hirya no hino ku Isi barasabwa gukomeza kumuzirikana mu masengesho, mu gihe yitegura kujya mu bitaro.

Papa Leo XIV, Umushumba wa Kiliziya Gatolika ku Isi, afite gahunda yo kubagwa mu bitaro bya Gemelli i Roma kugira ngo abagwe akabyimba gato kari mu bihaha, nk’uko byatangajwe n’ubuyobozi bwa Vatikani.

Amakuru yatangajwe ku wa Mbere, tariki ya 12 Ukwakira 2026, avuga ko Papa azagera mu bitaro mu masaha yegereza saa sita ku wa Kabiri, aho azakorerwa icyo gikorwa cyo kubagwa kigamije gukuraho ako kabyimba.

Papa Leo XIV ubwe ni we wabwiye abakristu ibijyanye n’iki kibazo ubwo yatangaga inyigisho ya Angelus ku Cyumweru, tariki ya 11 Ukwakira 2026. Yavuze ko abaganga be babonye akabyimba kari mu bihaha mu bizamini aherutse gukorerwa, kandi ko kavumbuwe hakiri kare.

Yasobanuye ko abaganga be babona ko kubagwa ari cyo gisubizo gikwiye, bityo akaba yarafashe icyemezo cyo gukurikiza inama zabo.

More Read

Kiliziya gatolika mu Rwanda yasabye abakristo gusengera Papa Léon XIV wagiye kubagwa

Afurika y’Epfo: Umukuru wungirije wa polisi yeguye nyuma yo kuregwa ibyaha by’ihohotera rishingiye ku gitsina

U Burusiya bwihanganishije abacuruzi bahombejwe n’inkongi ya GOICO Plaza

Bwana Kamugisha arakekwaho kwica abantu akabarya umutima

Vatikani irasaba abakristu gukomeza kumusengera

Nyuma y’itangazwa ry’aya makuru, abakristu n’abayobozi ba Kiliziya Gatolika mu bice bitandukanye by’Isi bakomeje kugaragaza ko bifatanyije na Papa mu masengesho, bamusabira gukira vuba.

Papa Leo XIV na we yashimiye abamugaragarije ko bamuri hafi, asaba ko bakomeza kumuzirikana mu masengesho yabo muri ibi bihe agiye kunyuramo.

Azamara hafi icyumweru mu bitaro

Umuyobozi w’ibiro bishinzwe itangazamakuru rya Vatikani, Matteo Bruni, yatangaje ko nyuma yo kubagwa, Papa azamara hafi icyumweru mu bitaro kugira ngo akurikiranwe n’abaganga kandi abone igihe gihagije cyo gukira.

More Read

Bugesera: Mu myaka ine urubyiruko rwubakiye abatishoboye rukoresheje miliyoni 200 Frw

Kayonza: Yagiye gukura telefone mu bwiherero bwa metero 10 agwamo arapfa

Uganda: Leta yasubitse igitaramo cya Koffi Olomidé kubera impungenge za Ebola

Uyu wa Gatandatu wabaye umunsi wo kubiba imbuto

Kubera iki gikorwa cyo kubagwa, hari ibikorwa bimwe na bimwe yari afite kuri gahunda byahinduwe. Bimwe mu bikorwa bya Kiliziya byari biteganyijwe muri iki cyumweru na byo byagombaga gukorwa mu buryo butandukanye n’uko byari byateganyijwe mbere.

Nubwo agiye kubagwa, ku wa Mbere Papa yari yakomeje gahunda zimwe na zimwe yari afite, zirimo kwakira abantu mu biganiro by’akazi.

Akabyimba kavumbuwe hakiri kare

Vatikani yasobanuye ko ako kabyimba kavumbuwe mu bizamini bisanzwe by’ubuvuzi, aho kuba ikibazo cyatewe n’ibimenyetso by’indwara byari byamugaragayeho.

Kugeza ubu, nta tangazo ryemeza ko ako kabyimba ari kanseri ryari ryatangwa, icyatangajwe ni uko ari gato, kari ahantu hamwe mu bihaha kandi kavumbuwe hakiri kare.