Abantu bakize 36 abarwayi bashya ni 25

By Ubwanditsi Last updated Sep 6, 2020

Minisiteri y’Ubuzima yatangaje ko kuri iki Cyumweru tariki 06 Nzeri 2020, mu Rwanda habonetse abantu 25 banduye icyorezo cya COVID-19, mu gihe abandi 36 bakize.

Abo barwayi bashya 25 barimo 16 babonetse muri Kigali (bapimwe mu bibasiwe kurusha abandi), 4 babonetse muri Rusizi, 3 muri Rubavu, 1 muri Rwamagana n’undi 1 aboneka muri Kirehe.

Kugeza uyu munsi mu Rwanda abamaze kwandura icyo cyorezo ni 4,374 muri bo abamaze gukira ni 2,235 naho abakivurwa ni 2,120.

Abamaze kwicwa n’icyo cyorezo bose hamwe mu Rwanda ni 18

Umubyeyi w’imyaka 76 yabaye umuntu wa 19... — ***Kuri iki Cyumweru tariki ya 06 Nzeri 2020, hatangajwe umuntu wa 19 wishwe na COVID-19 mu Rwanda. Uwabuze ubuzima akaba ari umubyeyi w’imyaka 76 wo mu Mujyi wa Kigali.***

Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.