Saturday, July 2, 2022
HomeIzindi nkuruKamonyi: Abantu 23 bafatiwe mu kabari barenze ku mabwiriza yo kurwanya COVID-19

Kamonyi: Abantu 23 bafatiwe mu kabari barenze ku mabwiriza yo kurwanya COVID-19

Polisi ikorera mu Karere ka Kamonyi ,kuri uyu wa Gatanu tariki ya 11 Gashyantare, yafashe abantu 23 bari mu kabari barenze ku mabwiriza yo kurwanya icyorezo cya COVID-19.

Bafatiwe mu Murenge wa Runda ,Akagari ka Ruyenzi,Umudugudu wa Rugazi, aho bari bateraniye mu kabari begeranye cyane.

Amakuru avuga ko nyir’ akabari  Ntezimana Gerard w’imyaka 39 nta ruhushya yari afite rumwemerera gucuruza.

Umuvugizi wa Polisi mu Ntara y’Amajyepfo ,Superintendent of Police (SP) Theobald Kanamugire yavuze ko bariya bantu bafashwe biturutse ku bufatanye n’abaturage mu guhanahana amakuru.

Yagize ati” Twakiriye amakuru aturutse mu abaturage bavuga ko mu kabari ka Ntezimana hateraniye abantu barimo kunywa inzoga ndetse barimo no gusakuza cyane”.

Akomeza agira ati”Abapolisi bahise bajyayo basanga muri ako kabari hateraniye abantu benshi  barimo kunywa urwagwa rwa kinyarwanda barenze ku mabwiriza yose yo kurwanya COVID-19, nyiri akabari nta cyangombwa yari yarahawe kimwemerera gufungura ako kabari nk’uko amabwiriza  abiteganya muri ibi bihe byo kurwanya COVID-19.”

SP Kanamugire yaburiye abantu bagifite imyitwarire itari myiza yo kurenga nkana ku mabwiriza ya Leta yo gukumira no kurwanya ikwirakwira ry’icyorezo cya COVID-19.

Yabibukije ko icyorezo kitarangiye,yakomeje ashimira abaturage bakomeje kugaragaza ubufatanye mu kurwanya icyorezo cya COVID-19 batanga amakuru igihe babonye abarenze ku mabwiriza.

Abafashwe uko ari 23 bajyanywe ku biro bya Polisi sitasiyo ya Runda kugira ngo baganirizwe ku ngaruka n’ububi bw’icyorezo cya COVID-19 kugira ngo barusheho kukirinda.

Banapimwe icyorezo cya COVID-19 ku kiguzi cyabo, bashyikirizwa inzego zibishinzwe bacibwa amande.

RELATED ARTICLES
- Advertisment -

Most Popular

Recent Comments