Mozambique: Perezida Nyussi n’umugore bishyize mu kato nyuma yo kwandura covid-19

4,733
Le président et sa femme du Mozambique testés positifs au Covid-19

Perezida wa Mozambique, Filipe Nyusi n’umugore we, Isaura banduye icyorezo cya COVID-19 ndetse bahita bishyira mu kato nubwo nta bimenyetso bagaragazaga.

Itangazo rya Perezidansi ya Mozambique rivuga ko Umukuru w’Igihugu na Madamu we basanganywe COVID-19 nyuma yo gupimwa hifashishijwe uburyo bwihuse [rapid test]. Aba bombi bahise bishyira mu kato mu gihe bategereje ibisubizo by’ikizamini cya PCR bafashe.

Ntabwo hatangajwe uburyo Perezida Nyusi n’umugore we bashobora kuba baranduye COVID-19 n’uburyo inshingano ze zigiye gukomeza gukorwa mu gihe ari mu kato.

Mozambique yashyize imbaraga mu bikorwa byo gukingira nyuma y’uko mu Ukuboza 2021, hagaragaye abantu 17 bafite ubwandu bushya bwa virusi yihinduranyije yo mu bwoko bwa Omicron.

Minisitiri w’Ubuzima muri Mozambique, Professor Dr. Armindo Tiago, yasabye abaturage kwikingiza no gukomeza kubahiriza amabwiriza yose ajyanye no kwirinda ikwirakwira rya COVID-19.

Muri Mozambique imibare y’abandura COVID-19 ikomeje kuzamuka cyane nko mu minsi irindwi ishize.

Muri rusange, iki gihugu kimaze kugaragaramo ubwandu bwa COVID-19 burenga ibihumbi 193 mu gihe abo yahitanye ari 2.031. Abamaze gukira ni 158.680 mu gihe 457 bishyize mu kato.

Comments are closed.