Polisi ya Tanzaniya yemeje ko hari abarwanyi 300 bavuye muri Mozambique bateye imihana yo mu majyepfo ya Tanzania bakica abaturage.
Yatangaje bwa mbere ku mugaragaro ko abantu bitwaje intwaro baturutse muri Mozambique batera iki gihugu.
Amajyaruguru ya Mozambique yahindutse isibaniro ry’imigumuko y’inyeshyamba z’abahezanguni biyitirira idini ya Islam, imirwano imaze kwicirwamo abantu barenga 1,500.
Mu cyumweru gishize, byavuzwe ko iyi mirwano yageze no muri Tanzania, aho kuwa kane hari umubare w’abaturage wishwe, nk’uko ubu byemejwe na polisi ya Tanzania.
Simon Sirro ukuriye polisi ya Tanzania yavuze ko mu bateye harimo n’Abatanzaniya, yongeraho ko bafashwe mbere y’uko babasha guhunga basubira muri Mozambique.
Imigumuko muri Mozambique ubu imaze imyaka itatu, leta ya Maputo iracyagowe no guhashya izo nyeshyamba.
SRC: BBC
