Minisitiri w’umutekani muri Tuniziya yatangaje ko Ejo kuwa mbere, abimukira icyenda bapfiriye muri Mediterane nyuma y’aho ubwato barimo burohamye mu mazi ku nkengero za Tuniziya bari kugerageza kuja ku mugabane w’i Buraya.
Imirambo y’abo bimukira, bakomoka mu bihugu bitandukanye bya Afurika yabonwe n’abasirikare barinsa inkombe, mu ntara ya Al-Mahdia iri ku nkengero z’inyanja ya Mediterane.
Iyo Minisiteri ivuga ko abandi bimukira icyenda batabawe.
Amakuru yatanzwe n’abarokotse iyi mpanuka, avuga ko ubwo bwato bwahagurutse ku cyambu cya Sfax muri Tuniziya mu ijoro ryo ku cyumweru bwerekeje ku mugabane w’i Burayi.
Umuryango uharanira uburenganzira bwa muntu muri Tuniziya, FTDES uvuga ko mu mezi icyenda ya mbere yo mu 2021, abasirikare bo ku barinda inkombe bafashe abimukira 19.500 barimo bagerageza kwambuka inyanja ya Mediterane.
Ishami rya ONU ryita ku mpunzi, HCR, rivuga ko abimukira hafi 1.300 baburiwe irengero cangwa bapfiriye mu Nyanja ya Mediterane mu mwaka ushize.
Comments are closed.