Amerika:Umunyamakuru wa CNN yangiwe kujyana na Trump mu ndenge

Televiziyo ya CNN ntiyemerewe kohereza umunyamakuru wayo mu ndege y’Umukuru w’Amerika, Donald Trump, ubwo yari agiye muri Tennessee kureba umukino wa American Football wahuzaga amakipe ya kaminuza.

CNN yari iri ku rutonde rw’ibitangazamakuru byari biteganyijwe guherekeza Trump muri Air Force One. Gusa, ku rutonde rwa gahunda y’itangazamakuru White House yashyize ahagaragara ku wa Gatanu nijoro, CNN ntiyari ikigaragaraho, kandi nta kindi gitangazamakuru cyari cyashyizwe mu mwanya wayo.

Iki cyemezo gifashwe mu gihe umwuka utari mwiza ukomeje kurangwa hagati y’ubutegetsi bwa Trump n’ibitangazamakuru bimwe na bimwe.

Mu cyumweru cyari cyabanje, Trump yari yarabujije abanyamakuru ba CNN, Politico na MS NOW kwinjira muri White House, ababeshyera gutangaza amakuru atari yo ajyanye n’ubutegetsi bwe.

Ibyo bitangazamakuru byamaganye iki cyemezo, bivuga ko gishobora kubangamira ubwisanzure bw’itangazamakuru. Byanajyanye iki kibazo mu nkiko.

Mu rwego rwo gushyigikira bagenzi babo, ABC, CBS, Fox News na NBC, bitangazamakuru bisimburana mu gukurikirana ibikorwa bya White House, na byo byahagaritse by’agateganyo gutangaza bimwe mu bikorwa bya Perezida.

More Read

Sudan y’Epfo: Perezida Kiir yasheshe guverinoma

Ubwoba ni bwose muri Turukiya nyuma y’amasasu yarasiwe hafi y’ishuri agakomerekeramo 11.

Ubushinwa bwanenze igitekerezo cyuko buri mu ‘irushanwa rigamije ikibi’ ry’ubwenge buhangano

Ku nshuro ya mbere Amerika yemeje ko yohereje intwaro mu isanzure

Umucamanza wa Leta nyuma yaje kuvuga ko icyemezo cyo kubuza ibyo bitangazamakuru gukorera muri White House gishobora kuba ginyuranyije n’Itegeko Nshinga. Yategetse ko abanyamakuru babyo bongera kwemererwa kuhakorera mu gihe urubanza rukomeje.

Nubwo White House yongeye gufungurira imiryango abanyamakuru bamwe, ku wa Kane ntiyemereye bamwe mu banyamakuru ba CNN na MS NOW gukurikirana igikorwa cyo kwakira Perezida w’u Bushinwa, Xi Jinping, mu musangiro.

Ku wa Gatanu, ibikorwa bisanzwe byo gukurikirana amakuru muri White House byasubukuwe.

More Read

USA: Perezida Trump yasezeranije abasheshe akanguha ba Amerika agera kuri $5000 abarepubulikani nibatsinda amatora yo hagati muri manda

Gen Muhoozi yafunze umwe muri ba Général bagaragaye babyina

Amerika yarashe amato ya Iran y’ibikomoka kuri peteroli mu gihe Tehran yarashe ikigo cya gisirikare cy’Amerika muri Jordan

Ishyamba si ryeru hagati ya Israel na Leta y’Ubwongereza

Ku wa Gatandatu, Trump yongeye kunenga CNN n’ibindi bitangazamakuru abishinja gukwirakwiza amakuru y’ibinyoma, mu butumwa yanyujije ku mbuga nkoranyambaga.

White House yavuze ko kuba umunyamakuru yemerewe gukorera mu nyubako yayo bidahita bimuha uburenganzira bwo kugera mu bice byose cyangwa gukurikirana buri gikorwa cya Perezida.

BBC yatangaje ko yagerageje kuvugisha White House kugira ngo igire icyo ivuga ku cyemezo cyo kutemerera CNN guherekeza Trump muri Air Force One, ariko itagira icyo ibona mu gisubizo.