Undi muntu wa munani yishwe na Coronavirus mu Rwanda, ni uwa gatatu ahitanwe nayo mu minsi itandatu ishize, abarenga 2100 bamaze kwandura.
Minisiteri y’ubuzima ivuga ko uyu wapfuye yari umugabo w’imyaka 37 y’amavuko.
Ni uwa kabiri ukiri muto nyuma y’umupolisikazi w’imyaka 24.
Abamaze guhitanwa na Coronavirus mu rwanda ni abagabo batanu b’imyaka 37,51,78,51 na 65 n’abagore batatu b’imyaka 77,88 na 24.
Imyirondoro y’abapfuye yatangajwe na Minisiteri y’ubuzima ivuga ko ari abapolisi babiri bavanwe mu butumwa bw’amahoro n’umushoferi w’amakamyo ari nawe muntu yishe bwa mbere mu Rwanda.
Imibare y’abandura Coronavirus mu Rwanda yagabanutseho kimwe cya kabiri mu byumweru bibiri bishize ugereranyije n’ibyabanje.
Minisiteri y’ubuzima igaragaza ko handuye abantu 222 mu minsi 14 ishize, mugihe hari handuye abagera kuri 528 mu minsi 14 yari yayibanjirije.
Hamaze gusuzumwa ibipimo 314,539, kugeza ubu abagera ku 2,189 nibo basanzwemo Covid-19.
Minisiteri y’ubuzima ivuga ko mubamaze gupfa, umwe yapfiriye i Nyamasheke abandi bagapfira i Kigali.
