Rwanda:Habonetse abantu 13 bashya kuri uyu wa Gatatu bituma abanduye Covid-19 mu Rwanda babaye 225

Minisiteri y’Ubuzima iratangaza ko abandi bantu cumi na batatu (13) bagaragayeho icyorezo cya COVID-19 mu bipimo 1,705 byafashwe ku wa gatatu tariki 29 Mata 2020.

Byatumye umubare w’abamaze kugaragaraho icyo cyorezo mu Rwanda ugera ku bantu 225, muri bo 98 bakaba bamaze gukira harimo batatu bakize uyu munsi.

Itangazo rya Minisiteri y’Ubuzima riravuga ko abarimo kuvurwa ari 127, iki cyorezo kugeza kuri uyu wa gatatu kikaba ntawe kirahitana mu Rwanda.bipimo 1,705 byafashwe ku wa gatatu tariki 29 Mata 2020.

Minisiteri y’ubuzima iravuga ko imibare mishya y’abandura ifitanye isano n’ubwiyongere bw’imibare y’abanduye COVID-19 mu batwara amakamyo yambukiranya imipaka n’abo bakorana.

Abarwayi bose ngo barimo kuvurirwa ahantu habugenewe kandi barimo baroroherwa bameze neza, nk’uko iri tangazo rya Minisiteri y’Ubuzima ribivuga.