Uyu wa Gatandatu wabaye umunsi wo kubiba imbuto

Abahinzi bo mu Rwanda bazindutse basohora imbuto bajya kubiba, nyuma y’amahindura y’imvura, yerekanye ko nta gisibya igiye kubobeza ubutaka, ndetse igakomerezaho ikavomerera imyaka, kugeza ku masarura.

Igihembwe cy’ihinga, gisanzwe gitangira muri Nzeri, ariko kubera imihindagurikire y’ibihe, Ukwezi kose kwashize imvura itaranagaragaza ikimenyetso cyo kugwa.

Ni yo mpamvu, ubu abahinzi batanguranwa gushyingura imbuto zose, kugira ngo ahari igihe cy’imvura kitazaba kigufi kurusha ibisanzwe bagataha amara masa.

Abahinzi batangiranye n’abayobozi bakuru b’igihugu imirimo yo gutera imbuto.

More Read

Muhanga : Umugambi wo kwiba ibigega bya Lisansi wakomwe mu nkokora batabwa muri yombi

Ese koko umugore wa Apôtre Mutabazi yaraye yipfumbase mapfubyi?

Ikibuga cy’Indege cy’i Bugesera kigiye kujya cyubakwa amanywa n’ijoro kugeza cyuzuye

Muhanga: Polisi n’Ingabo barasaba ubufatanye mu gucunga umutekano

Muri batanu ba mbere, Perezida w’Urukiko rw’Ikirenga, Minisitiri w’Intebe, Perezida w’Umutwe w’Abadepite, ndetse na Perezida wa Sena, buri wese yari afite umurima yasanzemo abahinzi, nuko abafasha imirimo yo gutera imbuto.

Minisitiri w’Intebe Dr. Justin Nsengiyumva, yari mu gishanga cya Nyarububa giherereye mu Mirenge ya Rukozo na Cyungo, mu Karere ka Rulindo, aho yifatanyije n’abatuye muri ako Karere mu gikorwa cyo gutangiza igihembwe cy’ihinga A.

More Read

Shema Fabrice wayoboraga FERWAFA yeguye

Burundi: Leta ishobora kwitambika urugendo rwa Ndikuriyo Reverien wateganyaga kuza i Kigali

Nyabihu: Abaregwa  gucuruza inzoga z’ibyuma baburaniye mu ruhame

Kamonyi: Imodoka y’ibitaro yagonze umusore w’imyaka 19

Iki gishanga gisanzwe gihingwamo n’abahinzi 1.302 bibumbiye muri Koperative KOYAKIRU, kikaba gifite ubuso bungana na hegitari 97,27.

Muri ubwo buso, hegitari 96,97, zingana na 99,6%, zamaze guterwamo imyaka. Uyu munsi hakaba hatewe ibigori kuri hegitari 0,3 zisigaye, mu gikorwa cyitabiriwe n’abantu 3.000.

ki gishanga cyatunganyijwe mu mwaka wa 2008 binyuze mu mushinga RSSP II (Second Rural Sector Support Project), wari ugamije kongera umusaruro w’ubuhinzi binyuze mu guteza imbere uburyo bwo guhinga mu bishanga no ku misozi.

Kuri ubu, Nyarububa ni kimwe mu byanya bigega byatoranyijwe mu Karere ka Rulindo (Food Basket Areas – FOBASI), hagamijwe kongera umusaruro uboneka kuri hegitari.

Mu gihembwe cy’ihinga A cya 2027, ubuso bw’igishanga cya Nyarububa bwatewemo ibihingwa bitandukanye birimo ibigori byatewe kuri hegitari 85,77. Ibirayi kuri hegitari 10 n’mboga zatewe muri hegitari 1,5.

Ahandi rero na ho, Perezida w’Urukiko rw’Ikirenga, Mukantaganzwa Domitilla, yifatanyije n’abaturage bo mu Mirenge ya Kibirizi na Ndora n’abandi bibumbiye muri Koperative KOABIDU.

More Read

UEFA yanenze FIFA nyuma y’uko Trump ‘yivanze’ mu itangwa ry’ikarita itukura

Kasuku uzwiho kutorohera abarwanya u Rwanda yatewe n’abagizi ba nabi

Rutsiro: Hahembwe abahize abandi mu guhanga udushya

Umugabo yishe arashe umukobwa we nyuma y’impaka kuri Donald Trump

Mukantaganzwa yasabye abahinzi guha agaciro ubuhinzi birinda ko umusaruro ubonetse wononekara, kandi muri iki gihe bagakoresha imbaraga n’umwete mu kugerageza gusiganwa n’igihe cyatakaye kubera imihindagurikire y’ikirere yabayeho.

Abahinzi bibukijwe gukoresha inyongeramusaruro, kumva inama z’abashinzwe iby’ubuhinzi, kurwanya ibyonyi n’uburwayi mu bihingwa, gufata neza ibikorwa remezo n’ibikoresho byifashishwa mu kubungabunga ubuhinzi. Basabwe kandi kwita no ku matungo kuko ubworozi n’ubuhinzi bidasigana.

Mu Murenge wa Rurenge, Akarere ka Ngoma ho, Perezida w’Umutwe w’Abadepite, Gertrude Kazarwa yifatanyije n’abayobozi batandukanye, inzego z’umutekano n’abaturage mu itangizwa ry’igihembwe cy’ihinga.

Itangizwa ry’igihembwe rigamije gukangurira abahinzi kwitabira neza ibikorwa by’ubuhinzi, kongera umusaruro w’ibihingwa no gukoresha neza ubutaka bwagenewe guhingwa.

Ivomo:Kigali To day