Ethiopia: Hashyizweho igihembo gituma abayobozi TPLF bahigwa bukware nyuma yimirwano imaze iminsi muri Tigray.

3,473

Ingabo za TPLF zikomeje guhigwa bukware.Minisiteri y’ingabo ya Ethiopia yatangaje igihembo cya miliyoni 10 z’ama-birr akoreshwa muri icyo gihugu (arenga miliyoni 253Frw) ku muntu wese watanga amakuru yatuma abakuru b’umutwe Tigrayan People’s Liberation Front (TPLF) bafatwa.

Abategetsi ba Ethiopia batangaje icyapa kigaragaza abakuru ba TPLF bashakishwa
amafoto y’abayobozi ba TPLF barigushakishwa.

Leta ya Ethiopia ivuga ko abo bakuru ba TPLF barimo gushakishwa.

Icyo gihembo ku muntu watanga amakuru yatuma bafatwa cyatangajwe kuri uyu wa gatanu na Liyetona Jenerali Asrat Denero.

Yavuze ko icyo gihembo kigamije gutuma abo bantu bafatwa byihuse.

Mu kwezi gushize, hasohowe impapuro zo guta muri yombi abategetsi bakuru ba TPLF barenga 60.

Nyuma haje gusohorwa n’izindi mpapuro zo guta muri yombi abandi babarirwa mu macumi bari cyangwa bahoze ari bakuru mu gisirikare cya Ethiopia.

Minisitiri w’intebe wa Ethiopia Abiy Ahmed

Mu kwezi gushize, Minisitiri w’intebe wa Ethiopia Abiy Ahmed yatangaje ko imirwano yarangiye muri Tigray, nyuma yuko ingabo za Ethiopia zifashe umurwa mukuru Mekelle wa Tigray.

intra ya Tigray iri mu majyaruguru ya Ethiopia.

Hashize iminsi nta makuru y’abakuru ba TPLF, ariko mbere bari basezeranyije ko bazakomeza kurwana kugeza ingabo za leta ya Ethiopia – bita ababateye – zivuye muri Tigray.

Ntibizwi aho benshi mu bakuru ba TPLF bari, barimo n’umukuru wayo Debretsion Gebremichael.

Mbere, leta ya Ethiopia yari yavuze ko yafashe babiri mu bakuru ba TPLF.

Umwe muri bo ni Keria Ibrahim wahoze ari umukuru w’inteko ishingamategeko ya Tigray, byavuzwe ko yishyikirije abategetsi ba Ethiopia mu byumweru birenga bibiri bishize, ariko ntarongera kugaragara.

Ntabwo kandi bizwi niba hari urukiko yajyanywemo ngo bacirwe imanza.

Email yanyu ntaho izigera igiragazwa