Tanzaniya: Tundu Lissu utavuga rumwe n’ubutegetsi yavuye mu gihugu

2,696
indo Banner01

Kuri uyu wa kabiri taliki 10 Ugushyingo, Tundu Lissu uyobora ishyaka Chadema ritavuga rumwe n’ubutegetsi bwa Tanzaniya, yavuye mu gihugu nyuma y’iminsi amatora y’umukuru w’igihugu yari ahanganyemo na Perezida John Magufuri (wayatsinze) arangiye.

Mbere yuko ava mu gihugu, Lissu yari amaze iminsi 8 mu rugo rwa ambasaderi w’Ubudage muri Tanzaniya, aho yerekeje mu rwego rwo kongera umutekano we nkuko ikinyamakuru The Citizen Tz kibivuga.

Mbere yuko agenda kandi, Tundu Lissu, yavuze ko adahunze igihugu, ahubwo ko ahinduye ikirere kugira ngo akomeze urugamba rwo guharanira Demokarasi n’ubutabera muri Tanzaniya.

Aho yerekeje ntihatangajwe, gusa amakuru avuga ko uyu munyapolitiki yerekeje mu Bubiligi aho yamaze imyaka irenga ibiri nyuma yuko hari abagerageje kumwica mu 2017.

Gutanga ibitekerezo byahagariswe.