FC Barcelona niyo itwaye ibendera ry’amakipe akize cyane kuri ino si.

1,982
Police Search At Headquarters Of FC Barcelona Club Offices - EtcNews.tv

Ikipe ya Barcelona FC yaje ku mwanya wa mbere mu makipe y’umupira w’amaguru afite agatubutse ku isi, umwanya wari umazeho igihe wicayeho ikipe ya Real Madrid

Ikinyamakuru cy’Abanyamerika kizwi cyane mu kwandika inkuru zijyanye n’ubukungu Forbes Magazine, cyashyize ku rutonde amakipe y’umupira w’amaguru uburyo akurikirana mu gutunga agatubutse, ku mwanya wa mbere haje ikipe ya Barcelona FC, ikipe yo mu gihugu cya Espagne, iyo kipe ifite agaciro ka miliyari 4.76 z’amadolari y’Amerika, Barca itsimbuye ku mwanya wa mbere mukeba wayo w’ibihe byose REAL MADRID yo ifite agaciro ka miliyari 4.75 z’amadorari ya Amerika.

A Look Inside: Real Madrid's 'La Fabrica' Academy - It's Tough At The Top -  Cano Football

Ikipe ya Real Madrid yari imaze igihe iri ku mwanya wa mbere, yawukuweho na mukeba wayo Barcelona FC

Usibye amakipe yo muri Espagne, andi makipe azwi cyane yashyizwe kuri runo rutonde, harimo ikipe ya Manchester United nayo yatsimbuwe ku mwanya wa gatatu yari imazeho igihe kitari gito, isimburwa na Bayern Munich yo mu Budage.

Amakipe yo muri Premier League ya Liverpool, Manchester City, Chelsea, Arsenal na Tottenham, nayo ari mu makipe 10 ya mbere akize, nkuko bigaragazwa n’urwo rutonde rwa Forbes magazine.

Amakipe ya Everton, West Ham na Leicester, nk’uko akurikiranye, ari ku myanya ya 15, 18 na 19.

Forbes yavuze ko agaciro rusange k’amakipe 20 ya mbere akize kiyongereyeho 30% mu myaka ibiri ishize, nubwo habayeho ingaruka zivuye ku cyorezo cya Covid-19.

Amafaranga ava mu bafana baje kureba umukino yaragabanutse agera kuri miliyoni 441 z’amadolari y’Amerika mu mwaka ushize w’imikino, igabanuka rya 9,6% ugereranyije no mu mwaka w’imikino wa 2017-2018.

Nubwo kuri United habayeho igabanuka muri rusange ku gaciro, mu mwaka wa 2019-2020 ni yo yakoreye amafaranga menshi (angana na miliyoni 121 z’amapawundi) kurusha indi kipe iyo ari yo yose yo mu makipe 20 ya mbere kuri urwo rutonde rwa Forbes, ndetse muri rusange yunguka miliyoni 468 z’amapawundi.

Amakipe 10 y’umupira w’amaguru ya mbere akize cyane ku isi

1. Barcelona: miliyari $4.76

2. Real Madrid: miliyari $4.75

3. Bayern Munich: miliyari $4.22

4. Manchester United: miliyari $4.2

5. Liverpool: miliyari $4.1

6. Manchester City: miliyari $4.0

7. Chelsea: miliyari: $3.2

8. Arsenal: miliyari $2.8

9. Paris St-Germain: miliyari $2.5

10. Tottenham: miliyari $2.3

Barça Academy for the United States
Leave A Reply

Your email address will not be published.