Minisiteri y’Ubuzima yatangaje ko ku wa Gatandatu tariki 19 Ukuboza 2020, mu Rwanda habonetse abantu 127 bashya banduye COVID-19, mu bari barwaye “ntawakize”.
Abo barwayi bashya 127 babonetse mu bipimo 4,076 bakaba barimo ababonetse i Kigali: 76 (abahuye n’abanduye bari kuvurirwa mu ngo), Rusizi: 12, Musanze: 12, Rubavu: 11, Gakenke: 6, Kirehe: 5, Huye: 2, Kayonza: 1, Rwamagana: 1, Muhanga: 1.
Kugeza kuri uyu wa Gatandatu, mu Rwanda abamaze kwandura icyo cyorezo ni 7,232 muri bo abamaze gukira ni 6,089 naho abakivurwa ni 1084.
Abagabo b’imyaka 90 na 57 y’amavuko y’amavuko bitabye Imana kuri uyu wa Gatandatu tariki19 Ukuboza 2020 i Kigali bazize Covid-19, bahise buzuza umubare w’abantu 59 bamaze kwicwa n’iki cyorezo kuva cyagera mu Rwanda muri Werurwe 2020.
Abaturarwanda barasabwa gukomeza kwirinda coovid-19 bubahiriza amabwiriza bahabwa na Minisiteri y’ubuzima.
Comments are closed.