Perezida Kagame yitabiriye inama ya CHOGM 2026 muri Antigua na Barbuda

Perezida wa Repubulika y’u Rwanda, Paul Kagame, yageze mu mujyi wa St. John’s muri Antigua na Barbuda, aho yitabiriye inama ya 28 y’Abakuru b’Ibihugu na za Guverinoma bigize Umuryango w’Ibihugu bikoresha Ururimi rw’Icyongereza ku Isi (Commonwealth), izwi nka CHOGM 2026.

Iyi nama yahuje abakuru b’ibihugu na za guverinoma bagera kuri 30, barimo Umwami Charles III n’Umwamikazi Camilla b’u Bwongereza, Minisitiri w’Intebe wa Antigua na Barbuda, Gaston Browne, ndetse n’Umunyamabanga Mukuru wa Commonwealth, Shirley Ayorkor Botchwey.

Insanganyamatsiko y’iyi nama igira iti: “Kwihutisha ubufatanye n’ishoramari hagamijwe ko Commonwealth itera imbere.”

Abayobozi bitabiriye iyi nama baraganira ku buryo ibihugu bigize Commonwealth byarushaho guteza imbere ubucuruzi hagati yabyo, gukurura ishoramari rifite akamaro no gushimangira ubufatanye n’abafatanyabikorwa batandukanye.

Mu bikorwa biteganyijwe, Perezida Kagame azitabira ikiganiro mpaka cyo ku rwego rwo hejuru, ahuriremo na Minisitiri w’Intebe wa Jamaica, Andrew Holness, ndetse na Minisitiri w’Intebe wungirije wa Samoa, Mulipola Anarosa Ale Molioʻo.

More Read

Ethiopia: Aba ministres n’abayobozi bakuru bashyizwe mu ngando

Brig Gen Elie Kozembrou yashimye intambwe u Rwanda rugezeho mu kwiyubaka

Iran: Umuyobozi w’Ikirenga yayoboye inama ya mbere ya gisirikare aburira Amerika

Ikibazo cy’ihohoterwa ry’abagore n’abakobwa kireba Afurika yose

Iki kiganiro kizibanda ku buryo Commonwealth yakoresha ubushobozi bwayo bwose mu kubaka ejo hazaza heza h’abaturage bayo.

Perezida Kagame kandi azitabira umuhango wo gutangiza ku mugaragaro inama ya CHOGM 2026, ndetse n’umuhango wa gisirikare wo kwizihiza imyaka 45 Antigua na Barbuda imaze ibonye ubwigenge.

Iyi nama ni urubuga abayobozi b’ibihugu bigize Commonwealth bahuriramo bagasuzumira hamwe amahirwe y’ubucuruzi, ishoramari n’ubufatanye mu iterambere.

More Read

PL yagaragarije uruhare rwayo mu kwimakaza ubumwe n’ubudaheranwa bw’Abanyarwanda

Minisitiri Utumatwishima yagaragaje uruhare rw’umuco mu kubaka u Rwanda

Amarangamutima ya Bamporiki nyuma yo kongera kugirirwa icyizere

Perezida Tshisekedi arashinja Kabila kuba igikoresho cy’u Rwanda

Perezida Kagame yitabiriye iyi nama ya CHOGM 2026, nyuma y’uko u Rwanda ruyoboye Umuryango wa Commonwealth mu gihe cy’imyaka ibiri, kuva muri Kamena 2022 kugeza mu Ukwakira 2024, ari ku mwanya w’Umuyobozi Mukuru wayo (Chair-in-Office).

Uwo mwanya Perezida Kagame yawugiyeho mu nama ya CHOGM 2022 yabereye i Kigali, asimbuye Boris Johnson wari Minisitiri w’Intebe w’u Bwongereza.

U Rwanda rwakiriye inama ya 26 ya CHOGM kuva ku wa 20 kugeza ku wa 25 Kamena 2022. Iyi nama yahuje abakuru b’ibihugu na Guverinoma baturutse mu bihugu bigize uyu muryango, baganira ku bufatanye, iterambere rirambye, guhanga udushya n’ibindi bibazo byari byugarije Isi.

Kwakira iyi nama byanagaragaje ubushobozi bw’u Rwanda mu kwakira inama mpuzamahanga n’amahuriro ahuza abayobozi bo ku rwego rwo hejuru.

Kwaguka kwa Commonwealth

Mu bindi byaranze CHOGM 2022, ni uko ibihugu bya Gabon na Togo byemejwe nk’abanyamuryango bashya ba Commonwealth, biba ibihugu bya 55 na 56 byari biyigize icyo gihe.

More Read

Bamporiki yongeye kugirirwa icyizere, Uwacu Julienne na Dr Uwamariya bahindurirwa inshingano

Menya impinduka zikomanga mu turere: Abayobozi umunani gusa bagarutse ku rutonde rw’agateganyo muri iyi manda

Musanze: Ubuyobozi bwashimye ubwitabire bw’abaturage mu matora y’inzego z’ibanze

Kubyaza abaturage inyungu binyuze mu kwakira ruswa n’indonke imwe mu mpamvu barwanira kuyobora umudugudu bazi ko batazahembwa

Ibi bihugu byombi byari bisanzwe bikoresha Igifaransa nk’ururimi rw’ingenzi, byiyongereye ku muryango wari usanzwe ugizwe n’ibihugu bitandukanye byo muri Afurika, Aziya, u Burayi, Karayibe na Pasifika.

Perezida Kagame yasoje inshingano ze zo kuyobora Commonwealth mu nama ya CHOGM 2024 yabereye i Apia muri Samoa, kuva ku wa 21 kugeza ku wa 26 Ukwakira 2024.

Muri iyo nama, yashimiye ibihugu bigize uyu muryango ku bufatanye byagaragaje mu gihe u Rwanda rwari rubiyoboye, anashimira Minisitiri w’Intebe wa Samoa, Fiamē Naomi Mata’afa, wamusimbuye kuri uwo mwanya.

Perezida Kagame yavuze ko byari iby’agaciro gakomeye ku Rwanda kuyobora Commonwealth mu myaka ibiri, anagaragaza ko igihugu cyiteguye gukomeza gushyigikira Samoa mu nshingano nshya yari ihawe.