Amnesty International yatangaje ko yabonye amashusho y’icyogajuru yerekana ubwicanyi ku basivile biciwe mu gace ka Tigray mu ntambara iri kuba hagati ya Ethiopiya na leta ya Tigray iri mu majyaruguru ya Ethiopia, uruhande rwa leta y’igihugu n’urwa leta y’akarere ka Tigray zose zikaba zishinjanya ubwo bwicanyi.
Ubwo bwicanyi bivugwa ko bwabaye kuwa mbere, nibwo bwa mbere butangajwe bukaba bwakorewe abasivile kuva iyi mirwano yatangira mu cyumweru gishize.
Itangazo Amnesty International yasohoye mu ijoro ryejo kuwa kane, rivuga ko uyu muryango wagenzuye amashusho y’icyogajuru, mu mujyi wa Mai-Kadra muri Tigray, ukabona abantu barimo bicwa batewe ibyuma abandi batemwe.
Minisitiri w’intebe wa Ethiopia Abiy Ahmed yashinje abasirikare ba leta ya Tigray ubwo bwicanyi, gusa Abategetsi ba leta ya Tigray bo bahakanye bivuye inyuma ko ingabo zabo ari zo zakoze ubwo bwicanyi.
amakimbirane hagati ya leta ya Ethiopia na Leta ya Tirgay yongeye kubura umutwe mu minsi ya vuba yuma y’uko mu kwezi kwa Nzeri habaye amatora muri Tigray yafashwe na leta ya Ethiopia nko kwigomora.
Comments are closed.