Rwanda: Gen Fred Ibingira na Lt Gen. MUHIRE batawe muri yombi

8,476
General Fred Ibingira na Lt General Muhire Charles bo mu ngabo z’u Rwanda batawe muri yombii kubera kutubahiriza amabwiriza yo kurwanya covid-19.

Guhera mu mwaka ushize ubwo Covid-19 yinjiraga mu Rwanda, Leta yashyizeho amabwiriza atandukanye mu buryo bwo kwirinda ikwirakwira ry’icyo cyorezo. Leta yakomeje kuvuga ko nta muntu n’umwe uri hejuru y’amategeko ku buryo atakubahiriza ayo mabwiriza.

Nyuma y’izo ngamba, biravugwa ko abasirikare babiri bakomeye mu ngabo z’u Rwanda batawe muri yombi nyuma yo kutubahiriza amabwiriza y’ubwirinzi.

Inkuru dukesha the newtimes, iravuga ko muri abo basirikare harimo General IBINGIRA Fred, biravugwa ko IBINGIRA Fred yafatiwe mu Karere ka Huye ku italiki ya 7 Mata 2021 ubwo yari yitabiriye ibirori by’ubukwe muri ako Karere, mu murenge wa Ngoma kandi iyo mihango itari yemewe mu rwego rwo kwirinda ikwirakwira rya covid-19.

Amakuru dufite ni uko na none hari undi musirikare ukomeye uzwi nka Lt General MUHIRE nawe yatawe muri yombi ku italiki 24 Mata 2021, afatirwa ku Irebero mu Karere ka Kicukiro ahazwi nka PEGASE RESORT INN, amakuru avuga ko Lt General MUHIRE Charles yari ari kumwe n’abandi bantu 33 bose biteretse amayoga nta no kubahiriza amabwiriza yo kwirinda covid-19 yatanzwe na Leta.

Aya makuru y’itabwa muri yombi rya bano ba generari babiri yemejwe n’umuvugizi w’ingabo z’u Rwanda Lt Col Ronald Rwivanga, yavuze ko abo bombi batawe muri yombi kubera kutubahiriza amabwiriza y’ubwirinzi bw’icyorezo cya covid-19.

Leave A Reply

Your email address will not be published.