U Rwanda rwitabiriye COP31, rwiteguye kugaragaza ingamba zo guhangana n’imihindagurikire y’ibihe

U Rwanda rwifatanyije n’ibindi bihugu bisaga 190 mu nama ya 31 y’Umuryango w’Abibumbye yiga ku mihindagurikire y’ibihe (COP31), yatangiye kuri uyu wa Mbere, tariki ya 9 Ugushyingo 2026, mu Mujyi wa Antalya muri Türkiye, ikazageza ku wa 20 Ugushyingo 2026.

Iyi nama ihuje abayobozi b’ibihugu, impuguke mu by’ibidukikije, abashakashatsi, abikorera n’abandi bafatanyabikorwa, igamije kurebera hamwe ingamba zafatwa kugira ngo isi ihangane n’ingaruka z’imihindagurikire y’ibihe, inihutishe ishyirwa mu bikorwa ry’imyanzuro yafatiwe mu nama zabanje.

U Rwanda rwitabiriye iyi nama rugamije kugaragaza intambwe rumaze gutera mu kubungabunga ibidukikije no guhangana n’imihindagurikire y’ibihe, ndetse no gushaka ubufatanye n’inkunga byafasha gushyira mu bikorwa gahunda z’igihugu zijyanye no kugabanya imyuka ihumanya ikirere no kongera ubushobozi bwo guhangana n’ingaruka z’imihindagurikire y’ibihe.

Nk’uko Minisiteri y’Ibidukikije y’u Rwanda yabitangaje, imwe mu ntego z’ingenzi z’u Rwanda muri iyi nama ni ugushaka inkunga y’amafaranga, ikoranabuhanga n’ubumenyi byafasha gushyira mu bikorwa gahunda y’igihugu yo guhangana n’imihindagurikire y’ibihe, izwi nka NDC 3.0.

U Rwanda kandi rurashaka ko ibihugu byateye imbere byubahiriza imihigo byafashe yo gutanga inkunga y’ibikorwa by’ikirere, by’umwihariko igenewe ibihugu bikiri mu nzira y’amajyambere n’ibihugu bikunze kwibasirwa n’ibiza biterwa n’imihindagurikire y’ibihe.

More Read

China: Inkongi y’umuriro yibasiye inyubako y’amagorofa 40, abantu 14 bahasiga ubuzima

Kuki Jensen Huang yaciye inyuma uwo bashakanye, bigahinduka ikibazo cy’umutekano wa Amerika?

Meya wa St. Louis muri Amerika n’itsinda yari ayoboye bunamiye abazize Jenoside yakorewe Abatutsi ku Gisozi

Perezida Ndayishimiye yahaye Congo-Brazzaville ingemwe 2,000 z’avoka

Mu bindi bizibandwaho n’intumwa z’u Rwanda harimo guteza imbere amasoko mpuzamahanga y’ubucuruzi bw’ingufu cyangwa imyuka ihumanya ikirere (Carbon Markets), kongera ishoramari mu mishinga ibungabunga ibidukikije no guteza imbere ingufu zisukuye.

Ibiganiro muri COP31 bizibanda cyane ku kwihutisha ishyirwa mu bikorwa ry’amasezerano y’i Paris, kugabanya imyuka ihumanya ikirere, kongera ubushobozi bw’ibihugu bwo guhangana n’ingaruka z’imihindagurikire y’ibihe no gushaka uburyo inkunga mpuzamahanga igera ku bihugu biyikeneye.

By’umwihariko, hazaganirwa ku buryo ibihugu byakongera ubushobozi bwo guhangana n’amapfa, imyuzure, ubushyuhe bukabije n’ibindi bibazo byibasira abaturage n’ubukungu bitewe n’imihindagurikire y’ibihe.

More Read

Telefoni 5 zihenze kurusha izindi ku isi: Imwe igura asaga miliyari 71 Frw!

Uganda: Gen. Kainerugaba yatangaje ko agiye kwiyegurira Yesu agashyira hasi imirimo ya gisirikare yakoraga

Nyanza: Umubyeyi yatwitse umwana we mu buryo bukomeye amuziza kumurira ibishyimbo

Yampano yasabiwe gufungwa imyaka 7 n’amezi 11, ahakana icyaha cy’ivangura

Iyi nama ibaye mu gihe isi ikomeje guhura n’ingaruka z’imihindagurikire y’ibihe, zirimo kwiyongera k’ubushyuhe, ibiza bikomeye ndetse n’ihungabana ry’ibikorwa by’ubuhinzi n’ibindi bikorwa by’ubukungu.

Ku Rwanda, kwitabira COP31 ni umwanya wo kugaragaza ibyo rumaze kugeraho mu kubungabunga ibidukikije, ariko kandi rukaba n’umwanya wo gushaka abafatanyabikorwa n’inkunga bizafasha gushyira mu bikorwa gahunda z’iterambere rirambye, zidahungabanya ibidukikije.