Amwe mu matariki y’ingenzi yanditse kubera Covid-19 kuva igeze mu Rwanda nuko yagiye yigaragaza mu gihugu.

3,821

Hashize amezi 5 arengaho iminsi kuva mu Rwanda hageze icyorezo cya Covid-19. Iyi nkuru irongera ikwibutse amatariki y’ingenzi kuva iki cyorezo cyagera mu rwa Gasabo.

  1. Tariki 14 Werurwe 2020

Iyi ni itariki y’amateka ku Rwanda kuko ari bwo habonetse bwa mbere umuntu ubwandu bw’iyi ndwara Abanyarwanda bari bamaze iminsi bumva mu bitangazamakuru. Kuri iyi tariki ni ho hatangajwe ko insengero n’amashuri bifunzwe, abakozi bishoboka ko bakorera mu ngo babikora, amakoraniro y’abantu benshi nk’ubukwe n’ibikorwa by’imikino byimurwa hanyuma n’umubare w’abitabira gushyingura ukagabanywa. Uyu munsi kandi ni na bwo hatangajwe uburyo bwo kugabanya umubare w’abagenzi mu modoka zitwara abagenzi ndetse hanaza gahunda yo gukaraba intoki mu rwego rwo kwirinda Covid-19.

School Musanze
  1. Tariki ya 20 Werurwe 2020

Iki cyorezo cyagiye gikwira amahanga binyuze mu ngendo zo mu kirere, mu rwego rwo kugikumira kimwe n’ibindi bihugu u Rwanda rwahagaritse ingendo zo mu kirere ku bagenzi barwinjiramo n’abarusohokamo rubikora kuri iyi tariki.

  1. Tariki ya 21 Werurwe 2020

Iyi tariki Abanyarwanda ntabazayibagirwa kuko ni bwo hagiyeho gahunda ya Guma mu rugo mu gihugu hose bivugwa ko icyemezo kizongera gusuzumwa nyuma y’ibyumweru 2 byagiye byongerwa kubera ubukana bw’ikwirakwira ry’icyorezo. Serivisi zose guhagarara n’imipaka igafungwa ni ikintu abantu batari bake bari babonye bwa mbere mu buzima bwabo, nta ntambara ihari nyamara bakaguma murugo.

  1. Tariki ya 05 Mata 2020

Iyi tariki ni bwo bwa mbere hasezerewe abarwayi ba mbere ba Covid-19 bakaba bari 4 mu gihe abantu benshi bari bafite kwiheba cyane kubera ko iyi ndwara itagira umuti n’urukingo.

  1. Tariki ya 11 Mata 2020
  2. Icyi cyorezo cyageze mu Ntara ubwo Umuyobozi w’Ibitaro bya Byumba mu Karere ka Gicumbi, Intara y’Amajyaruguru yavugaga ko habonetse abanduye icyorezo.
  1. Tariki ya 18 Mata 2020

Kuri iyi tariki ni bwo byabaye itegeko mu Rwanda ko buri wese agomba kwambara agapfukamunwa mu gihe atari mu rugo iwe. Mbere hari impaka niba agapfukamunwa kadakwiye kwambarwa na buri wese dore ko amabwiriza yari ahari yavugaga ko kambarwa n’Abaganga ndetse n’abantu bamaze kwandura.

  1. Tariki ya 04 Gicurasi 2020

Kuri iri iyi tariki ni bwo gahunda ya Guma mu rugo yari yashwizweho tariki ya 21 Werurwe 2020 mu gihugu hose yasuzumwe iravugururwa, serivise zimwe na zimwe zirakomorerwa abantu bongera kuva mu ngo bamwe basubira mu kazi. Ni umunsi abantu batapfa kwibagirwa ukurikije uko ibintu byari byifashe abantu badaheruka hanze y’ingo zabo keretse abajyaga kwa muganga n’abajyaga guhaha mu maduka n’amasoko abegereye.

  1. Tariki ya 30 Gicurasi 2020

itariki ifite icyo ivuze kuko ari bwo u Rwanda rwapfushije bwa mbere umuntu wishwe na Covid-19.

  1. Tariki ya 29 Kamena 2020

Kuri iyi tariki ni bwo bwa mbere mu Rwanda ku munsi habonetse abagaragaweho n’ubwandu bwa Coronavirus bagera muri 100 aho habonetse 101 bityo kuri uwo munsi u Rwanda rurara rumaze kugira abantu 1001 banduyeho Covid-19.

  1. Tariki ya 23 Kanama 2020

Kuri iyi tariki ni bwo bwa mbere mu Rwanda ku munsi umwe habonetse abagaragaweho n’ubwandu bwa Coronavirus bagera muri 200 aho abantu 200 babonetse kuri uwo munsi u Rwanda batumye umubare w’abamaze kugerwaho n’ubwandu bwa Coronavirus mu Rwanda uba 3089.

Kuva icyorezo cya Civid-19 kigaragaye ku Isi tariki 31 Ukuboza 2019  i Wuhan mu Bushinwa, ubu abamaze kucyandura barabarirwa muri miliyoni 25 kikaba kimaze guhitana abagera ku bihumbi 850 naho abamaze kugikira babarirwa muri miliyoni 17.

Abamaze kwandura Coronavirus muri Afurika barabarirwa muri miliyoni 1,2. kimaze guhitanamo abagera ku bihumbi 29 naho abagera ku bihumbi 980 baragikize.

Buri wese afite itariki atazibagirwa bitewe n’aho COVID-19 yamusanze, bitewe n’uko ingaruka yamugizeho kandi bigaterwa nuko yita kubahiriza ingamba zishyirwaho zo kwirinda Covid-19.

Src:umuseke

Email yanyu ntaho izigera igiragazwa