Abadepite bari mu itsinda ririmo gusura ibikorwa biteza imbere abaturage mu Karere ka Rusizi, babwiye abaturage ko gukorera hamwe ari intambwe ikomeye iganisha ku iterambere, babasaba kunoza imikorere n’imicungire y’amatsinda yabo kugira ngo arusheho kubazamura.
Itsinda ”Dufatanye babyeyi’’ nyuma yo kwizigama barorozanya, bakambikana n’ibindi.
Intambwe mu kwigira na Twiteze imbere Idaga, bahinga imboga n’imbuto, aya matsinda akora ibikorwa bitandukanye ariko bakagira n’ibyo bahuriraho uko ari amatsinda atatu.
Gusa ngo haracyari inzitizi zituma batagera ku iterambere bifuza, ari naho bahera basaba ubuvugizi kugira ngo babashe kwagura ibikorwa byabo bikomeze kubateza imbere.
Ibikorwa by’iterambere birimo guhindura imibereho y’abaturage byiganjemo gukorana n’ibigo by’imari aho hari abahabwa inguzanyo bakazishora mu mishinga y’iterambere yaba ikorwa n’umuntu ku giti cye ndetse n’ababikora nk’itsinda.
Depite Barinda Rutebuka uyoboye itsinda ry’Abadepite riri mu Karere ka Rusizi yijeje abagize aya matsinda ko bazakomeza kubahuza n’amahirwe ahari, ariko anabasaba kuba maso mu gucunga umutungo wabo kugira ngo ukomeze kubagirira akamaro.
Aya matsinda akorera hamwe uko ari atatu afite abanyamuryango 84 akaba akorera ubuhinzi n’ubutubuzi bw’imboga n’imbuto ku busobwa hegitari bwuhirwa.
Aba badepite biteganyijwe ko bazageza tariki 2 uku ukwezi gutaha, basura abaturage mu mirenge itandukanye y’Igihugu.
(RBA)
Comments are closed.