Kigali: Ubuyobozi bwatangaje ko bukoresha amafoto y’icyogajuru mu gukurikirana imyubakire itemewe

Umuyobozi w’Umujyi wa Kigali, Samuel Dusengiyumva, yasabye abaturage kwirinda kubaka mu buryo bunyuranyije n’amategeko, aburira ko imyubakire nk’iyo ishobora guteza igihombo ku bayikora ndetse ikabakururira n’ingaruka zishingiye ku mategeko.

Ibi Umuyobozi w’Umujyi wa Kigali yabigarutseho ubwo yari mu Nteko y’Abaturage yabereye mu Murenge wa Ndera, mu Karere ka Gasabo, aho yaganiraga n’abaturage ku bibazo bitandukanye bibangamiye iterambere n’imibereho myiza y’abatuye Umujyi wa Kigali.

Samuel Dusengiyumva yavuze ko abaturage bagomba kubanza gukurikiza ibisabwa n’amategeko mbere yo gutangira ibikorwa by’ubwubatsi, aho kubanza kubaka hanyuma ngo bazashake uko babona ibyangombwa nyuma.

Yagize ati:

“Ibintu byo kubaka mu buryo butemewe n’amategeko nabagira inama yo kubireka, kuko uretse ko havamo n’igihombo ku wabikoze, ariko harimo n’inkurikizi ku rwego rw’amategeko.”

Amafoto y’icyogajuru mu gukurikirana imyubakire

Umuyobozi w’Umujyi wa Kigali kandi yatangaje ko inzego z’ubuyobozi zifite uburyo bw’ikoranabuhanga bubafasha gukurikirana ibikorwa by’ubwubatsi bikorerwa ku butaka, harimo n’ibikorwa bishobora kuba bitarakurikije ibisabwa n’amategeko.

More Read

Donald Trump ku mwanya wa gatanu ku bayobozi bahembwa agatubutse

Kigali: Abakomeje gukora no gukiwirakwiza inzoga zaciwe bahawe “Gasopo”

Idrissa Ouedraogo yareze Ishimwe Vestine asaba kwerekwa umwana no gupimisha DNA

Nyanza: Abavandimwe babiri bakurikiranyweho kuzimiza ibimenyetso bya Jenoside

Yasobanuriye abaturage ko ubu bakoresha amafoto y’icyogajuru kugira ngo babashe kubona impinduka ziba ku butaka no gukurikirana ibikorwa by’imyubakire biri gukorwa.

Ibi bituma inzego bireba zishobora kumenya ahari ibikorwa bishya by’ubwubatsi no kubikoraho igenzura, aho gutegereza ko ikibazo kimenyekana nyuma y’uko inyubako imaze kuzura.

Dusengiyumva yasabye abaturage kudashingira ku gitekerezo cy’uko kuba ahantu hatagaragara abayobozi cyangwa abagenzuzi bahita bahubaka ntawe ubimenya.

More Read

Rusizi: Muzehe Modeste yasanzwe mu bwiherero bw’ishuri yashizemo imwuka

Nyamasheke:Impanuka yabereye mu ishyamba rya nyungwe yafunze umuhanda

Gatsibo: Abajyanama b’ubuzima bahangayikishijwe n’ubuke bw’udukingirizo

Ishimwe Vestine yasabye gatanya ya burundu n’umugabo we Ouedraogo Idrissa

Yabagaragarije ko ikoranabuhanga rikoreshwa mu igenzura rituma ibikorwa bikorerwa ku butaka bikurikiranwa, bityo abasanzwe batekereza kubaka mu buryo butemewe bagomba kubireka.

Kubanza kubona ibyangombwa mbere yo kubaka

Ubuyobozi bw’Umujyi wa Kigali bukomeje gushishikariza abaturage kubahiriza amabwiriza agenga imikoreshereze y’ubutaka n’imyubakire, cyane cyane ko ibikorwa by’ubwubatsi bigomba gukorwa hakurikijwe igenamigambi ry’Umujyi ndetse n’ibindi bisabwa n’amategeko.

Kubaka nta burenganzira cyangwa ibyangombwa bisabwa bishobora gutuma nyir’inyubako ahura n’igihombo, cyane cyane mu gihe hafashwe icyemezo cyo guhagarika ibikorwa cyangwa gukuraho inyubako yubatswe mu buryo bunyuranyije n’amategeko.

Ubutumwa bw’Umuyobozi w’Umujyi wa Kigali ku baturage bo mu Murenge wa Ndera busobanuye ko abaturage bafite gahunda yo kubaka bakwiye kubanza kumenya ibisabwa, bakabiganiraho n’inzego zibishinzwe ndetse bakabona ibyangombwa bikenewe mbere yo gutangira imirimo.

Ni muri urwo rwego ubuyobozi busaba abaturage kugira uruhare mu kubahiriza igenamigambi ry’Umujyi, kuko imyubakire idakurikije amategeko ishobora kugira ingaruka ku nyirayo ndetse no ku isura n’imitunganyirize y’Umujyi wa Kigali muri rusange.